पावसाळा सुरू झाला की वातावरणात बदल होतो. ज्याप्रमाणे माणसाला राग आल्याशिवाय लढाई होत नाही, त्याचप्रमाणे ताप आल्याशिवाय शरीरातील जंतूंशी लढाई होत नाही. ताप बहुदा जंतुदोषमुळे, जंतूसंसर्ग झाल्याने येतो. जंतुदोषामुळे निर्माण होणाऱ्या काही रासायनिक पदार्थांची मेंदूतील तापमान नियंत्रण केंद्रावर क्रिया होऊन आपल्याला ताप येतो. तापामुळे शरीरातल्या रासायनिक क्रियांना प्रचंड वेग येतो. म्हणून काही प्रमाणात ताप हा मूळ आजार बरा होण्यासाठी आवश्यकच आहे. शरीराच्या तापमानाप्रमाणे नाडीचे ठोके वाढत जातात. प्रति मिनिट दहाने ते वाढत जातात. साधारणपणे एक डिग्री फॅरेनहाईटने ताप वाढला, की हे ठोके प्रती मिनिट दहाने वाढतात. नाडीचा हा अपेक्षित दर एक दोन अपवाद सोडतात सर्व आजारांमध्ये दिसून येतो. अपवाद म्हणजे विषमज्वर कावीळ आणि मेंदूच्या आवरणाची सूज या तीन आजारांमध्ये अपेक्षित असल्यापेक्षा नाडीचा वेग कमीच असतो. शरीरात रक्तातल्या पांढऱ्या पेशींची रोगजंतू विरुद्धची लढाई चालू असते. या लढाईतून निघणाऱ्या विषारी पदार्थांमुळे ताप हा चढत असतो.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
